Asmoz Fundazioak bat egin du .EUS komunitatearekin

Asmoz fundazioak .eus komunitatearekin bat egiten du eta bere web domeinua aldatuz. Bertako partaideak identitate zehatzarekin definitzen dira, Puntueus webguneak dioenez: “Identitatea adierazten du: euskararen eta euskal kulturaren komunitatearen izaera.”

“.EUS, hortaz, tresna bat da, euskara beste hizkuntzen mailan kokatzen duena, euskararen normalizazioan lagunduko duena eta euskararen herriari nazioarteko aitortza eskaintzen diona.”

www.domeinuak.eus

Asmozen aurreko domeinua, .org zen, bere fundazio izaera dela eta. Hala ere, Asmoz Fundazioak kultura zabaltzearen, euskarazko prestakuntza eta hezkuntzaren eta euskal soziolinguistikaren hobekuntzaren eta garapenaren aldeko apustua egiten du, eta, horregatik, .eus domeinua erabiltzea erabakitzen duten erakundeen komunitatean parte hartzea erabaki du, euskararen normalizazioari beste aletxo bat gehiago emateko.

Asmoz Fundazioaren web helbide berria, beraz, www.asmoz.eus izango da hemendik aurrera.