Hiznet Hizkuntza Plangintza graduondokoa Euskal Herriko Unibertsitateak eta Asmoz Fundazioak antolatzen duten graduondokoa da.

Euskararen normalkuntzan pauso asko eman dira. Dena dela, oraindik ere asko dago egiteko. Gainera, lan hori behar bezala egiteko soziolinguistikaren esparruan ezagutza eta trebakuntza kualifikatuak dituzten pertsonak behar dira: euskararen profesionalak, euskal soziolinguistikaren teknikariak, hizkuntza plangintzaren eta kudeaketaren arduradunak, euskararen normalkuntzarekin eta soziolinguistikarekin zerikusia duten gaien ikerlariak edo euskararen teknikariak. Hain zuzen ere, graduondokoaren helburua da soziolinguistikaren eta, zehazki, euskal soziolinguistikaren ezagutzak eskaintzea, eta soziolinguistikaren profesionalak sortzea.

Egia esan, arrazoi asko daude Hiznet-Hizkuntza plangitza graudondokoa egiteko.

• 1. UPV/EHUren eta Asmoz-en bermea duen graduondokoa da.
• 2. 20 urteko ibilbidea.
• 3. Ikastaroaren zati handi bat online izanik, ikasleek nahi duten ritmora ikasi dezakete.
• 4. Puntako irakasleak.
• 5. Irteera profesional ugari ditu euskararekin zerikusia duten gaiak jorratzen dituzten erakundeetan publiko zein pribatuetan: udaletako euskara zerbitzuetan, euskararen inguruko zerbitzuak eskaintzen dituzten enpresetan eta baita gai soziolinguistikoak ikertzen dituzten ikertalde eta erakundeetan ere.

HARTZAILEAK

• Egun euskara teknikari lanetan diharduten edo egunen batean zeregin horietan aritzeko asmoa duten guztiak.
• Urteetako ihardun profesionalaren ondorioz eskarmentua duten profesionalak, egun agertzen diren premia eta erronka berrien aurrean duten gaitasuna eta jakituria eguneratzeko aukera izan dezaten.
• Herri administrazioan, hezkuntza sisteman eta antzeko lan-arlotan, hizkuntza normalkuntza erantzukizun publikoa dutenak, euren eginkizunak aurrera eramateko oinarri sendoagotik abia daitezen.
• Euskalgintzako euskaltzale edo euskararen inguruan dihardutenak.

Iraupena: 9 hilabete.

Hasiera data: 2019ko azaroaren 8a.

INFORMAZIO GEHIAGO WWW.HIZNET.ASMOZ.ORG WEBGUNEAN