Arte eta generoa: iraganera eta orainera begirada

Ikastaroaren xedea da arte bisualaren ikuspegi orokor bat ematea genero-ikuspegi batetik, ezagutza-eremu horretarako azterketarako errepertorio berriak konfiguratzeko helburuarekin. Alderdi historiko, terminologiako eta analitikoak jorratuko dira, artearen eta horiek burutzen dituztenen inguruan ditugun nozioen konfigurazioa baldintzatu dutenak.

Ikastaro honetan zati garrantzitsua da proposamen garaikideak aintzatetsi eta munduan barrena horiek berrikustea. Horrek kulturaren ugaritasuna zabaltzeko eta linea feministan edo genero-berdintasunaren aldeko ildoan garatzen diren mugimendu artistikoen aniztasuna aitortzeko aukera ematen du.

HELBURUAK

Helburu orokorra

• Artea genero-ikuspegi batetik eta hartako diskurtsoen gaineko begirada kritiko batetik abiatuz balioestea.

Helburu espezifikoak

• Genero-ikuspegi batetik artearen behaketa kritikorako funtsezko kontzeptuak definitzea.
• Artearen historia genero-ikuspegi batetik aztertzea.
• Proposamen artistiko feministak, genero eta emakumeen kontzientzia dutenak, diskriminatzea.
• Munduko leku ezberdinetan kontzientzia genero edota feminista duten arte-proposamen berriak ezagutzea.

EGITARAUA

I. Artea, artistak eta kultura berria genero-ikuspegi batetik.
1. Artea eta artistak.
2. Artea eta genero-ikuspegia.
3. Arte feminista historiaren bidez.

II. Artearen diskurtsoa.
1. Diskurtsoa, estetika eta errepresentazioa.
2. Eredu hegemonikoak artearen historian.
3. Errepresentazio disidenterako estrategiak.

III. Proposamen berriak latitude ezberdinetatik.
1. Europa.
2. Asia.
3. Amerika.
4. Afrika.
5. Ozeania.

HARTZAILEAK

Sortzaileak; arte kultural edota genero-ikuspegiko prestatzaileak; ikusizko arteetako irakasleak; arte edota genero-ikuspegiaren eta mugimendu feministen ikerlariak; kultur arloko kudeatzaileak eta komisariotzan adituak.

METODOLOGIA

Planteatzen den metodologiaren barnean baliabide didaktikoek eduki teoriko eta kontzeptuzkoaren gidari modura jardungo dute, espazio parte-hartzaile, ludiko, dinamiko eta sormenekoetan jarduerak garatzeko baliagarriak. Helburua kalitatezko edukia ematea da off line irakurketa-dokumentuen bidez eta on line ezagutzak elkarlotu eta sendotzeko ariketen bidez, erabilgarri dauden baliabide teknologiko ugariak aprobetxatuz.