Jabetza Intelektuala, Lizentzia askeak eta Eskubideen Kudeaketa

Garai berriotan arlo digitalak lanerako bide berriak ireki ditzake kulturaren eremuan. Egoera horretan ezinbestekoa da ezagutzea jabetza intelektualak zer suposatzen duen eta sortzaile-ekoizle batek zein lizentzia hauta ditzakeen bere obra kudeatzeko.

ZER ABANTAILA DITU IKASTAROAK?

• Internet bidez emango da ikastaroa, ondoen datorkizun ordutegian egin dezakezu.

• Ikastaro praktikoa da eta esperientzian oinarritutakoa; oso baliagarria kultura arloko profesionalentzat.

• Formatu txikiko ikastaroa da, gai zehatzetan ezagutzak eskura ditzazun denbora tarte labur batean.

HARTZAILEAK

Artistak, sortzaileak eta kultur eragileak.

HELBURUAK

Kultur eragileei eta sormen komunitateari proiektuak eraginkorki kudeatzeko jabetza intelektuari dagokion informazioa eta horren inguruko tresnak ematea.

EGITARAUA

1. Jabetza Intelektuala
Sarrera
Jabetza intelektualari dagozkion eskubideak
Ustiapen-eskubideen iraupena. Jabari publikoa
Lanaren babesa. Erregistroak
Egile-eskubidearen mugak

2. Lizentzia askeak
Copyleft. Kultura Librea
Gizarte-mugimenduak eta filosofia
Creative Commons eta beste zenbait lizentzia
Abantailak eta desabantailak. Balizko gatazkak

3. Eskubideen kudeaketa
Kudeaketa kolektiboko erakundeak
Errepaso historikoa eta uneko egoera
Kudeaketa-ereduekin lotuta dauden gatazkak eta erronka berriak

METODOLOGIA

Ikastaroa Internet bidez emango da, hasieran banatuko diren gogoeta, eztabaida eta partaidetzarako baliagarriak diren materialetan oinarrituz. Ikasleen arteko eztabaida eta partaidetza bultzatzeko tresna desberdinak gaituko dira. Ikastaroa gainditu ahal izateko gutxienezko partaidetza-irizpide zenbait bete bete beharko dira.