Ekintza kulturalen plangintza eta garapena liburutegietan

Liburutegiko kudeaketak, erabiltzailearen sarbiderako zerbitzuak eskaini eta dokumentuzko ondarearen interesak gordetzeaz gain, kultura hedatzeko zeharkako beste zenbait jardueren kudeaketa eta plangintza inplikatzen du. Liburuzainak, kultur arloko kudeatzaile modura, instituzioko espazio publikoak giro parte-hartzaile gehiagoko eremu bilakarazi behar ditu eta bitartekari modura jardun behar du herritarrek kultura, hezkuntza, informazio eta ondarera iristeko eta horiekin gozatzeko eskubidea erabili eta balia dezaten. Horretarako, ezinbestekoa da liburutegietan kulturaren kudeaketaren plangintzan lagungarri izango diren tresna eta estrategia espezifikoak garatzea ondare bibliografikoa eta dokumentuzkoa balioan jarri eta gizartean kultura eta hezkuntzarako irisgarritasuna ahalbidetzeko.

HELBURUAK

Ikastaro honen helburu nagusia profesionalei liburutegietan kulturaren kudeaketa eraginkortasunez planifikatzeko beharrezkoak diren tresna eta estrategiak ematea da.

EGITARAUA

1. Kulturaren kudeaketa liburutegietan. Ondare dokumentuzko eta bibliografikoa balioan jartzea heziketa eta hedapenari so.
2. Liburuzaina kultur arloko kudeatzaile gisa. Estrategia eta jardun kulturalak liburutegien barnean.
3. Programazio kulturala. Ideiatik ekintzara.
4. Kontserbazioa eta herritarren irisgarritasuna baliokide egitea. Ondare dokumentuzko eta bibliografikoa modu seguruan hedatu eta erakusteko jardun onak eta tresnak.

HARTZAILEAK

Liburutegietako edota liburutegi-ekonomiarekin eta dokumentazioarekin lotutako kulturaren kudeaketako profesional eta ikasleak.

METODOLOGIA

Ikastaroko gai bakoitza izaera teorikoa duen idatzizko erakusketa baten bidez garatzen da, ikus-entzunezko baliabide didaktikoekin lagunduta. Azken horrek, aldi berean, liburutegietan kultura kudeatzeak eta jarduera eta emankizun publikoak planifikatzeak dakartzan lanketen alderdi praktikoak izango ditu ardatz. Gainera hainbat tresna gaituko dira ikasleen eztabaida eta partaidetzarako foru eta txaten bidez. Gai bakoitza amaitu ondotik, galdetegi labur bat egingo da ikasleek ikastaroan zehar eskuratutako ulermena eta ezagutzak balioesteko. Azken ebaluaziorako, irakasleak edukiekin lotutako kasu praktiko bat planteatuko du.