Musika klasikoaren historia, emakume eta gizonezko konpositoreen bidez

Alde batetik, ikastaro hau mendebaldeko Musika Klasikoaren historiaren sarrera bat da. Barrokoan hasiko gara eta saio bakoitzean garai eta estilo bat landuko dugu, mendeen errepasoa eginez gaur egunera iritsi arte. Kurtso honen asmoa ikasleei Musika Klasikoaren aldi, estilo eta konpositore desberdinak bereizten eta kokatzen jakiteko ezagutza eta tresnak ematea da.

Bestalde, emakume musikagilearen papera landuko dugu mende hauetan zehar emakumezko erreferente berriak sortzeko intentzioarekin. Nola egingo dugu? Denok ezagutzen ditugu Wolfgang Amadeus Mozart, Ludwing van Beethoven, Frédéric Chopin… Baina ez al zeuden emakumerik garai hartan? Noski bazirela musikagileak, interpreteak, pedagogoak… haien artean, Maria Anna Mozart, Fanny Mendelssohn, Clara Schumann, aintzatestea merezi dutenak, eta hori da, besteak beste, ikastaro honen helburu garrantzitsuenetako bat.

- Musika Klasikoarekiko interesa piztea.

- Estilo eta konpositore desberdinak denboran zehar kokatzen jakitea.

- Emakumezko erreferente berriak sortzea.

Ikastaro hau Musika Klasikoa beste ikuspegi batetik ezagutu nahi duen pertsona orori zuzenduta dago, ez da beharrezkoa aldez aurretik inolako ezagutzarik izatea, ezta musika-tresnarik jotzen jakitea ere.

Ikastaroa 15 ordukoa izango da. Alde batetik, 6 saio online egongo dira eta bakoitzak 120 minutu iraungo ditu. Beste aldetik, beste 3 ordu bete beharko dira bidalitako etxekolanekin.

Azalpenak emateko aurkezpenak eta ikus-entzunezko euskarriak erabiliko dira.

Ikastaroaren izaera dela eta, nahitaezkoa da online saioetan zuzenean aritzea. Nolanahi ere, kasuren batean hori ezinezkoa dela frogatzen bada, ikastaroaren martxa grabazioaren bidez jarraitu ahal izango da.

Saio bakoitzean proposatutako etxekolanak, hurrengo saioa baino lehenago bidaliko dira (ikastaroaren plataforma erabiliz), eta irakasleak ebaluatu egingo ditu.