Pertsona itsu eta ikusmen murriztukoentzat irisgarritasuna sare sozialetan eta dokumentu digital eta paperezkoetan

Gaur egun, inguru digitalean sortutako komunikazioak presentzia handia du gure bizitzan. Gehienbat sare sozial eta dokumentu digitalen bidez lortzen dugu informazioa, erosten dugu, formatzen gara etab.

Munduan gutxi gorabehera 285 milioi daude desagaitasun bisualarekin (OME), Europan ia 30 milioi (European Blind Union) eta Espainian, ia milioi bat (INE). Egun, itsutasuna eta ikusmen murriztua gorantz doaz bi faktoregatik: biztanleriaren zahartzeagatik eta begien patologiekin erlazionatuta dauden gaixotasun kronikoen nagusitasunagatik, hala nola, makulako endekapena edo erretinopatia diabetikoa.

Zorionez, ongizate-estatuak, indarreko legeriak eta aurrerapen sozial eta teknologikoek  pertsona itsu eta ikusmen murriztukoen partaidetza aktiboa bultzatzen dute pertsonen aktibitate eremu guztietan, modu normalizatuan eta gainontzeko hiritarren eskubide eta betebeharrekin. Baina hori errealitate izateko beharrezkoa da produktu eta zerbitzu irisgarriak eskaintzen dituen gizarte barneratzaile bat sortzea. Irisgarritasuna ez da arkitektura-oztopoak ezabatzea bakarrik, zerbait gehiago da. Ondo komunikatzen jakitea da. Batez ere ingurune digitalak gure egunerokotasunean hain presentzia garrantsitsua duen momentuan. 

Ikastaro honekin ikasleek modu barneratzailean komunikatzen ikasiko dute eta ideiak, aktibitatea, produktuak edo zerbitzuak ezagutaratzeko tresnak  antzematen.

HELBURUAK

Helburu orokorra: Pertsona itsu eta ikusmen murriztua dutenentzat eduki irisgarriak nola egin ezagutzea.

Helburu zehatzak: 

• Ikusmen-urritasunaren mundua ezagutzea, itsutasuna eta ikusmen txikia bereiziz.
• Ikusmen gutxiko pertsonek eta itsuek aurre egin behar dieten zailtasun nagusiak ezartzea.
• Kolektibo horrentzat eskuragarri dauden dokumentu inprimatuak eta elektronikoak sortzen ikastea.
• Sare sozialetan eskuragarri dauden edukiak nola sortu eta argitaratu ezagutzea.

EGITARAUA

1. modulua. Ikusmen-desgaitasuna ulertzen

2. modulua. Inprimatutako dokumentuen ikusizko irisgarritasuna.

2.1. Dokumentu inprimatuetarako sarbidea.

2.2. Dokumentu inprimatuak

3. modulua. Word eta PDF dokumentuak: prestatzea eta balioztatzea.

3.1. Dokumentu elektronikoak.

4. modulua. Sare sozialetako ikus-irisgarritasuna: Facebook, Twitter, Instagram, LinkedIn eta Whatsapp.

HARTZAILEAK

• Hirugarren sektoreko profesionalak eta boluntarioak.
• Komunikazioko, online marketineko, informatikako, diseinuko, bezeroarentzako arretako, community management-eko, turismoko, hezkuntzako, pedagogiako, gizarte-laneko, gizarte-integrazioko, psikologiako eta abarretako profesionalak eta ikasleak.
• Administrazio publikoko profesionalak.
• Zerbitzuen sektoreko profesionalak (turismoa, ostalaritza, merkataritza …).

Azken batean, sare sozial eskuragarrietan dokumentuak eta edukiak sortu nahi dituzten pertsona guztiei.

METODOLOGIA

Ikastaro honek metodologia teoriko-praktikoa du. Teoria bideo bidez lagunduriko apunte bidez ematen da eta ebaluaketa foro bidez eginiko galdera irekiei emandako erantzunez eta bakarkako aktibitate batez egiten da.

ANTOLATZAILEA                                KOLABORATZAILEA