Arte digitala

Aurkezten dugun egitasmoaren helburu nagusia Donostian, eta Gipuzkoakoan orohar, teknologia eta artearen gaiak gizarteari hurbiltzea da. Sortzen ari diren artisten obrak abiapuntutzat hartuz, STEAM gaia eta arte teknologikoari buruzko ezagutza eta interesa sortu nahi dugu. Gizarteak, artearekin batera, aldaketa garrantzitsu ugari jasan ditu. Horietako asko azkeneko belaunaldietan eman dira, teknologiaren garapenak sortua hain zuzen ere. Kulturaren munduan eman den aldaketarik garrantzitsuena iraultza digitala izan dela esaten da. Artearen kontzeptua metamorfosi fasean dago etengabe, izan ere, artisten lan egiteko modua ere aldatu egin da. Obra artistiko baten sorkuntza alde batera utzi da eta ikusleak parte hartzera gonbidatzen duen kontestuaren diseinua eraikitzera pasa dira artistak. Happening elektronikoa kontzeptuarekin definitu egin da fenomeno hau. Arte teknologikoaz ari garenean interakzioa nagusitzen da, hizkuntza narratibo berri bat sortzen baita non eta obra, ikuslea eta artistaren parte-hartzea eskatzen duen. Garrantzia, beraz, gertaeran dago, momentuan bertan hiru elementuen artean gertatzen ari dena obra bera dela esaten da.